home Տուրիզմ Հայաստանում Հնդկաստանի որոշ քաղաքացիներ ՀՀ մուտքի վիզա կկարողանան ստանալ նաև սահմանային անցակետերում

Հնդկաստանի որոշ քաղաքացիներ ՀՀ մուտքի վիզա կկարողանան ստանալ նաև սահմանային անցակետերում

Հնդկաստանի այն քաղաքացիները, որոնք ունեն կացության կարգավիճակ Արաբական Միացյալ Էմիրություններում, Բահրեյնի Թագավորությունում, Կատարի Պետությունում, Քուվեյթի Պետությունում և Օմանի Սուլթանությունում, Հայաստան մուտքի վիզա կարող են ստանալ նաև ՀՀ սահմանային անցման կետերում: Այդ մասին որոշումը հաստատվեց կառավարության նիստում, որը ներկայացրեց Արտաքին գործերի նախարար Էդվարդ Նալբանդյանը:

Նախագծի ընդունումը պայմանավորված է Պարսից Ծոցի տարածաշրջանից (բացառությամբ Սաուդյան Արաբիայի) դեպի Հայաստան զբոսաշրջիկների հոսքը խթանելու անհրաժեշտությամբ»,- «Արմենպրես»-ի հաղորդմամբ, ասաց Նալբանդյանը:

Հաշվի առնելով, որ այդ երկրների քաղաքացիները ՀՀ մուտքի վիզա կարող են ստանալ ՀՀ սահմանային անցակետերում, ինչպես նաև այն, որ այդ երկրներում զգալի թվով բնակվում են Հնդկաստանի քաղաքացիներ, անհրաժեշտություն է առաջացել դյուրացնել վերջիններիս մուտքը Հայաստան՝ ՀՀ սահմանային անցակետերում ՀՀ մուտքի վիզա ստանալու հնարավորություն ընձեռելու միջոցով:

Աղբյուրը` ArmenPress

Booking.com

Մեկնաբանություններ / կարծիքներ